پاکستان انٹرنیشنل ائیرلائنز (پی آئی اے) کے ترجمان کا کہنا ہے کہ دھند اور حد نگاہ خطرناک حد تک کم ہونے کے باعث لاہور ائیرپورٹ پر رات 10 تا دن 11 بجے کے درمیان آپریٹ ہونے والی قومی ائیر لائن کی بین القوامی پروازوں کو اسلام آباد منتقل کردیا گیا ہے۔

ترجمان کے مطابق پروازوں کی منتقلی فضائی حفاظت اور مسافروں کو طویل انتظار کی کوفت سے بچانے کے تناظر میں کی گئی ہے۔

ان کا کہنا تھا کہ رات 10 تا دن 11 بجے کے درمیان کی پروازوں کی منتقلی عارضی ہے اور دھند کی صورتِ حال بہتر ہوتے ہی واپس کردی جائے گی، پروازوں کی منتقلی پر عمل درآمد آج رات سے کردیا جائے گا۔