پاکستان کے کسانوں نے ٹوئٹر صارفین کو مونگ پھلی کا درخت دکھا دیا ہے۔

ٹوئٹر پر کسان پاکستان نامی اکاؤنٹ کی جانب سے عکس کے ہمراہ ایک ٹویٹ پوسٹ کی گئی جس کے کیپشن میں سوالیہ نشان کے ساتھ لکھا کہ ”مونگ پھلی کا درخت ہے“۔

کسانوں کی اس ٹویٹ پر ٹوئٹر صارفین نے منفرد تبصروں کا انبار لگا دیا، کسی نے اسے مونگ پھلی کے بجائے املی، کیکر جب کہ ایک صارفین نے اسے سرس کا درخت قرار دیا۔

ایک اور صارف نے جوابی ٹویٹ میں تبصرہ کیا کہ یہ اکاؤنٹ کسان کا نہیں ہوسکتا، جسے کیکر پھلی اور مونگ پھلی کا پتہ نہ ہو۔

صارف کو جواب دیتے ہوئے کسان نے لکھا کہ انہیں معلوم ہے یہ کیا ہے، البتہ انہوں نے عوام کا رد عمل جاننے کے لئے ٹویٹ پوسٹ کی کہ لوگ کیکر پھلی اور مونگ پھلی کے مابین فرق کو جانتے ہیں یا نہیں۔