دہشت گردوں نے افغانستان سے پاکستان میں داخل ہونے کی کوشش کی جس پر پاک فوج نے بروقت کارروائی کرتے ہوئے دہشت گردوں کے خلاف آپریشن شروع کردیا۔

آئی ایس پی آر کے مطابق پاک فوج کی جانب سے ژوب کے علاقہ سمبازا میں آپریشن انتہائی باوثوق اطلاعات کے بعد کیا گیا اوردہشت گردوں کو روکنے کیلئے آپریشن 96 گھنٹے سے جاری ہے۔

دہشتگردوں نے کچھ راستوں سے پاک افغان سرحد عبور کرنے کی کوشش کی ہے، جو سرحدی راستے سے خیبرپختونخوا میں گھسنا چاہتے تھے۔

سرحد پر پاک فوج کی مسلسل نگرانی کے باعث دہشت گردوں کو روکا اور دہشتگردوں کے ایک گروپ کو اسپاٹ کیا گیا جبکہ فرار ہونے کے راستے بند ہوئے، تو دہشتگردوں نے فائرنگ کردی۔

آئی ایس پی آر نے بتایا کہ پاک فوج کی جوابی فائرنگ سے 1 دہشتگرد ہلاک ہوگیا جبکہ فائرنگ کے تبادلے میں پاک فوج کا جوان حق نواز شہید ہوگیا۔

مزید بتایا کہ پاک فوج کے دو جوان زخمی بھی ہوئے اوردہشت گردوں کے سہولت کاروں نے سرحد پار سے ان کی مدد کی ہے۔