کابینہ ڈویژن نے 2023 میں چھٹیوں کی تفصیلات جاری کر دیں، جس کے مطابق آئندہ برس 16 عام تعطیلات اور 22 اختیاری چھٹیاں ہوں گی۔

کابینہ ڈویژن سے جاری نوٹی فکیشن کے مطابق 5 فروری یوم کشمیر اور 23 مارچ یوم پاکستان کی چھٹی ہوگی۔

نوٹی فکیشن کے مطابق یکم مئی کو یوم مزدور، 22 سے 24 اپریل عیدالفطر کی 3 چھٹیوں پر مشتمل عام تعطیلات ہوں گی۔

انتیس، تیس جون اور یکم جولائی کو عیدالاضحیٰ کی 3 چھٹیاں ہوں گی، 27 اور 28 جولائی 2023 کو عاشورہ محرم کی، جبکہ 14 اگست 2023 کو یوم آزادی کی عام تعطیل ہوگی۔

کابینہ ڈویژن کے مطابق 28 ستمبر 2023 کو عید میلاد النبی ﷺ کی عام تعطیل ہوگی۔ 9 نومبر 2023 کو یوم اقبال، 25 دسمبر 2023 کو قائداعظم کا یومِ پیدائش اور کرسمس اور 26 دسمبر 2023 کو مسیحی ملازمین کے لیے کرسمس کے بعد کی عام تعطیل ہو گی۔