پاکستان کرکٹ بورڈ (پی سی بی) کی مینجمنٹ کمیٹی کی جانب سے بورڈ میں تبدیلیوں کا سلسلہ جاری ہے۔
ڈائریکٹرنیشنل ہائی پرفارمنس سینٹر ندیم خان کوبھی فارغ کرنے کا فیصلہ کرلیا گیا۔
مینجمنٹ کمیٹی نے نیشنل ہائی پرفارمنس سینٹر(این ایچ پی سی) میں غیرملکی دائریکٹر لگانے کا فیصلہ کرلیا۔
ذرائع کے مطابق پی سی بی حکام نے غیرملکی کوالیفائیڈ کوچز سے رابطہ کیا ہے، ڈائریکٹراین ایچ پی سی کے لئے چار پانچ کوچز کے نام زیرغورہیں۔
ذرائع کے مطابق مکی آرتھرکو ہیڈ کوچ کی ذمہ داریاں سونپنے کا فیصلہ ہوچکا ہے ، مکی آرتھر کی مشاورت سے دیگر کوچنگ اسٹاف تعینات کیا جائے گا ۔
اگلے چند روزمیں پی سی بی کے مزید ملازمین کی برطرفی اوراستعفوں کا امکان ہے۔
