پاکستان پیپلز پارٹی (پی پی پی) کی رہنما فریال تالپور نے کراچی میں پنک ٹیکسی اسکیم لانے کا اعلان کردیا۔

کراچی میں خواتین سے متعلق تقریب سے خطاب کرتے ہوئے فریال تالپور نے کہا کہ سندھ حکومت خواتین کے لیے کراچی میں پنک ٹیکسی اسکیم لارہی ہے۔

فرالٹ تالپور کا کہنا تھا کہ پیپلز پارٹی خواتین کو بااختیار بنانے پر یقین رکھتی ہے، انہوں نے کہا کہ معاشرے کی ترقی میں خواتین کا اہم کردار ہے، پیپلز پارٹی بچیوں کی تعلیم پر خصوصی توجہ دے رہی ہے۔

پی پی رہنما نے کہا کہ تعلیم حاصل کرنا ہمارا بنیادی حق ہے، ان کا یہ بھی کہنا تھا کہ پیپلز پارٹی غریب طبقوں کی نمائندہ پارٹی ہے۔ بیت المال کے پروگرام غریبوں کو سپورٹ کررہے ہیں۔

فرالپ تالپور کا کہنا تھا کہ اقلیتوں کے حقوق کا تحفظ بھی پیپلز پارٹی کے منشور کا حصہ ہے۔