منگل کو جنوبی پنجاب میں فائرنگ کے نتیجے میں کاؤنٹر ٹیررازم ڈیپارٹمنٹ (سی ٹی ڈی) پنجاب کے شہید ہونیوالے دو افسران کی نماز جنازہ ادا کردی گئی۔

ڈائریکٹر نوید اور انسپیکٹر ناصر عباس کی نماز جنازہ ملتان، خانیوال اور لاہور میں ادا کی گئی جس میں سول، ملٹری حکام سمیت شہدا کے لواحقین نے شرکت کی۔

نماز جنازہ میں ڈی جی آئی ایس آئی لیفٹننٹ جنرل ندیم انجم نے بھی شرکت کی، شہید کی میت کو کاندھا دیا۔

دونوں افسران گزشتہ روز خانیوال میں شہید ہوئے تھے۔

اس سے قبل، خانیوال میں دہشت گردوں کی فائرنگ سے سی ٹی ڈی کے دو افسران کی شہادت کا مقدمہ درج کرلیا گیا۔

مقدمہ تھانہ سی ٹی ڈی میں انسداد دہشت گردی دفعات کے تحت درج کیا گیا ہے، ایف آئی آر میں 2 ملزمان نامزد کیےگئے ہیں۔