امیرجماعت اسلامی کراچی حافظ نعیم الرحمان نے پولیس کے نظام میں اصلاحات کا مطالبہ کرتے ہوئے کہا کہ پولیس میں کراچی کے لوگوں کو ہونا چاہیے۔
آج نیوز سے گفتگو میں انہوں نے کہا کہ پراسیکیوشن کا نظام کمزور ہے جس وجہ سے ملزم چھوٹ جاتے ہیں اور معمولی سی مزاحمت پر لوگوں کو گولیوں سے بھون دیا جاتا ہے۔
کراچی میں بڑھتے ہوئے جرائم پر ان کا کہنا تھا کہ پولیس میں شہر کے لوگوں کو ہی ہونا چاہیے اور رینجرز کو اسٹریٹ کرائمز کے خلاف کارروائی کا اختیار دینا چاہیے۔
حافظ نعیم الرحمان نے مزید کہا کہ شہر میں ڈرگ مافیا چل رہا ہے جس نے تعلیمی اداروں تک میں نشے کو پھیلا دیا ہے۔
