خیبرپختونخوا کے نومنتخب نگراں وزیراعلی اعظم خان نے کہا کہ موجودہ ملکی حالات کے بارے میں سب کوعلم ہے، مہنگائی سے لوگ پریشان ہیں اس میں کمی پر خصوصی توجہ دیں گے۔

آج نیوزسے گفتگو کرتے ہوئے کہا کہ آج 3 بجے گورنر ہاؤس میں حلف اٹھاؤں گا موجودہ ملکی حالات کے بارے میں سب کو علم ہے ملک کے اقتصادی حالات خراب ہیں۔

ان کا کہنا تھا کہ مہنگائی سے لوگ پریشان ہیں خصوصی توجہ دینے کے ساتھ ہی لاء اینڈ آرڈر حالات پر خصوصی توجہ دیں گے۔

مزید کہا کہ شفاف انتخابات کو یقینی بنائیں گے الیکشن کمیشن کو ہر قسم کاتعاون فراہم کریں گے۔