وزیر اعظم شہباز شریف نے سیاسی صورتحال پر مشاورت کے لئے اہم اجلاس آج طلب کر لیا ہے۔
ذرائع کے مطابق وزیراعظم کی زیرصدارت ہونے والے اجلاس میں مسلم لیگ ن کے سینئیر رہنماء شریک ہوں گے، جس میں ملکی سیاسی صورتحال پرغورہوگا۔
اجلاس میں پنجاب خیبرپختونخوا کے انتخابات پر مشاورت ہوگی، وزیر اعظم کو انتخابی تیاریوں پر پارٹی رہنماء بریفنگ دیں گے۔
ذرائع کا کہنا ہے کہ اہم اتحادی رہنمامولانا فضل الرحمان سےبھی آج وزیراعظم کی ملاقات ہوگی۔
یاد رہے کہ گزشتہ روزشہباز شریف کی سابق صدر آصف زرداری سے بھی تفصیلی ملاقات ہوئی تھی۔
