آسکر ایوارڈ یافتہ فلم میکر شرمین عبید چناٸے نے کراچی کی پنک بس سروس کو بہترین اقدام قرار دے دیا۔

حکومت سندھ کی جانب سے خواتین کو سہولت فراہم کرنے کے لئے کراچی میں پنک پیپلز بس سروس کا افتتاح کردیا گیا۔

افتتاحی تقریب سے خطاب کرتے ہوئے آسکر ایوارڈ یافتہ فلم میکر شرمین عبید چناٸے نے کہا کہ کراچی کی خواتین کے لیے یہ بہترین اقدام ہے۔

انہوں نے مزید کہا کہ ہم چاہتے ہیں یہ بس مختلف روٹس پر بھی چلے۔

تقریب میں شرمین عبید چناٸے، رابعہ انعم اور اشنا شاہ سمیت مختلف شخصیات نے شرکت کی۔

یہ بس دفتری اوقات میں ہر 20 منٹ جبکہ دفتری اوقات کے بعد ہر گھنٹے بعد چلائی جائے گی۔

پہلے مرحلےمیں پنک بس سروس ماڈل کالونی سے ٹاورتک چلائی جارہی ہے۔