وزیراعظم شہباز شریف نے 7 فروری کو آل پارٹیز کانفرنس (اے پی سی) طلب کرلی۔

ملکی سیاسی منظر نامے میں بڑی سیاسی پیشرفت کرتے ہوئے شہباز شریف کی جانب سے 7 فروری بروز منگل کو کُل جماعتی کانفرنس طلب کرلی ہے۔

وزیراعظم نے قومی چیلنجز پر تمام سیاسی قائدین کو ایک میز پر بٹھانے کا فیصلہ کیا ہے جس کے تحت چیئرمین تحریک انصاف عمران خان سمیت اسد قیصر اور پریوز خٹک کو بھی کانفرنس میں شرکت کے لئے دعوت دی گئی ہے۔

دوسری جانب وفاقی وزیر اور رہنما ن لیگ ایاز صادق نے پی ٹی آئی رہنما اسد قیصر اور پرویز خٹک سے رابطہ کیا اور وزیراعظم کی جانب سے عمران خان کو اے پی سی میں شرکت کی دعوت دی۔

پی ٹی آئی کے دو نمائندوں کو کل پشاورمیں ہونے والے اپیکس کمیٹی اجلاس میں بھی شرکت کی دعوت دی گئی ہے۔