پاکستان سے امدادی سامان ترکیہ روانہ کردیا گیا، این ڈی ایم اے کے 4ٹن سے زائد سامان میں کمبل اور خیمےشامل ہیں۔
نیشنل ڈیزاسٹر مینجمنٹ اتھارٹی (این ڈی ایم اے) کی جانب سے 4.7 ٹن لوڈ کی ایک اور امدادی کھیپ ترکیہ روانہ کر دی گئی ہے۔
ترجمان کے مطابق سامان میں 1420 کمبل اور 26 موسم سرما کے خیمے شامل ہیں، امدادی سامان پی آئی اے کی پرواز پر ترکیہ روانہ کیا گیا۔
دوسری جانب ترکیہ میں حالیہ زلزلے سے متاثرہ عوام کی خدمت کے لئے پمز اسپتال سے ڈاکٹرز کی 10 رکنی ٹیم ادویات کے ساتھ روانہ ہو گئی۔
ترجمان وزارت صحت نے بتایا کہ ڈاکٹرز کی 10 رکنی ٹیم آج شام کے لئے روانہ ہوگی۔
وزیر صحت عبدالقادر پٹیل کا کہنا ہے کہ اس مصیبت کی گھڑی میں ترک بھائیوں کے ساتھ شانہ بشانہ کھڑے ہیں، پاکستان اپنے برادر ملک ترکیہ کے عوام اور حکومت کی ہر ممکن مدد کرے گا، ٹیمیں متاثرہ عوام کی خدمت کے جزبے سے سرشار ہے۔
