بالی ووڈ کنگ شاہ رخ خان نے پاکستانی اداکارہ عفت عمر کیلئے خصوصی ویڈیو پیغام جاری کیا ہے۔

اداکارہ عفت عمر نے شاہ رخ خان کے پیغام کو اپنے سوشل میڈیا کے اکاؤنٹس پر شیئر کرکے نہایت مسرت کا اظہار کیا ہے۔

ویڈیو میں دیکھا جاسکتا ہے کہ کنگ خان اپنے تعارف کے بعد اداکارہ کو خوش رہنے اور کامیابیوں کیلئے نیک تمناؤں کا اظہار کرتے ہیں۔

اس ویڈیو پر عفت عمر نے کیپشن دیا کہ ویلنٹائن ڈے کی مبارک ہو، میرے کرش۔ آپ کے قیمتی وقت میں نے میرے لیے 2 سیکنڈ کا شکریہ۔

انہوں نے مزید لکھا کہ یہ لمحہ میری زندگی کا سب سے زیادہ خوش ترین لمحہ تھا کہ جب آپ نے مجھے وش کیا۔ آپ کی بلاک باسٹڑ فلم پٹھان کی کامیابی پر بہت بہت مبارک ہو سپر اسٹار ۔

سوشل میڈیا پر یہ بھی کہا جارہا ہے کہ یہ ویڈیو کچھ سال پہلے کی ہے ۔