کے الیکٹرک نے شہر کے متعدد گرڈ اسٹیشنز مرمت کیلئے بند کرنے کا اعلان کیا ہے۔

ترجمان کے الیکٹرک کا کہنا ہے کہ بروز بدھ ہارون آباد، کے ڈی اے، گل احمد، ویندر، سرجانی، کے سی آر، میمن گوٹھ اور پی آر ایل گرڈز پر مینٹیننس شٹ ڈاؤن کیا جائے گا۔

ترجمان کا کہنا ہے کہ گرڈز سے منسلک صارفین کو عارضی طور پر بجلی کی فراہمی معطل کی جاسکتی ہے، سسٹم کے استحکام کو برقرار رکھنے کے لیے مینٹننس ضروری ہے۔

ترجمان نے بتایا کہ صارفین کو بذریعہ ایس ایم ایس بھی پیشگی اطلاع کی جا چکی ہے، مزید رہنمائی کے لیے 118 یا کے الیکٹرک کے سوشل میڈیا پلیٹ فارمز پر رابطہ کریں۔