اداروں کو بغاوت پر اکسانے کے کیس میں پاکستان تحریک انصاف کے رہنما شہباز گل نے بریت مسترد کرنے کے سیشن کورٹ کے فیصلے کے خلاف اسلام آباد ہائیکورٹ میں دائر اپیل واپس لے لی۔

اسلام آباد ہائیکورٹ کے چیف جسٹس عامر فاروق نے بریت مسترد کرنے کے سیشن کورٹ کے فیصلے کے خلاف شہباز گل کی درخواست پر سماعت کی۔

مزید پڑھیں: شہبازگل نے فرد جرم عائد کرنے کا فیصلہ چیلنج کردیا

شہباز گل کی جانب سے وکیل تیمور خان عدالت کے سامنے پیش ہوئے اور عدالتی فیصلے کے خلاف اپیل واپس لیے کی استدعا کی۔

اسلام آباد ہائیکورٹ نے شہباز گل کے وکیل کی کیس واپسی کی استدعا پر کیس نمٹا دیا۔

مزید پڑھیں: بغاوت پر اکسانے کا کیس: عدالت نے شہباز گل کی درخواست پر فیصلہ محفوظ کرلیا

یاد رہے کہ گزشتہ روز شہباز گل نے اداروں میں بغاوت پر اکسانے کے کیس میں بریت کی درخواست مسترد کر کے فرد جرم عائد کرنے کے فیصلے کو اسلام آباد ہائیکورٹ میں چیلنج کیا تھا۔