صوبائی وزیر ناصر حسین شاہ نے کہا کہ سندھ میں پیپلزبس سروس شروع ہوچکی ہے بلاول بھٹوکے وژن کے مطابق عوام کوسہولیات فراہم کر رہے ہیں۔

پیپلزپارٹی کے رہنما ناصر حسین شاہ نے سکھر میں پیپلزبس سروس کا افتتاح کرتے ہوئے کہا کہ پورے سندھ میں پیپلزبس سروس شروع ہوچکی ہے اور سکھراورلاڑکانہ میں پنک بس سروس بھی شروع ہوچکی۔

انہوں نے کہا کہ بلاول بھٹوکے وژن کے مطابق عوام کو سہولیات فراہم کر رہے ہیں، مہنگائی بہت زیادہ ہے، تکلیف دہ مراحل ہیں سابق حکومت کے فیصلوں کی وجہ سے آج عوام پریشان ہے پی ٹی آئی ایم ایف معاہدے کی سزاعوام بھگت رہے ہیں۔

ناصر حسین شاہ نے مزید کہا کہ سکھر میں بہت سے بہت سے منصوبے مکمل ہورہےہیں اور سکھر کی اہمیت کودیکھتے ہوئے یونیورسٹیز کا جال بچھایا، ہم نے سکھرمیں 6 یونیورسٹیاں بنائیں۔ سکھرمیں بچوں کا اسپتال مکمل ہونے کے قریب ہے

ناصر حسین شاہ نے کہا کہ آصف علی زرداری ملک کو مستحکم کرنا چاہتے ہیں،کچھ لوگ ملک میں انتشار پھیلا رہے ہیں۔