سعودی عرب میں کثیر الملکی فضائی فوجی مشقیں اختتام پذیر ہوگئیں ہیں جس میں پاکستان نے بھی حصہ لیا۔
مشقوں میں پاکستان،برطانیہ ،امریکا اور خلیجی ممالک کے فوجی دستے شریک تھے، فوجی مشقیں سعودی عرب میں ایئر وار فیئر سینٹر میں ہوئیں، جن کو ”رماح النصر“ کا نام دیا گیا تھا۔
ان مشقوں میں سعودی عرب اور پاکستان سمیت آٹھ دوست ممالک کی افواج نے حصہ لیا۔ مشقوں کا مقصد شریک ممالک کے درمیان مشترکہ عسکری کارروائیوں کے تصورکو مضبوط بنانا اور اتحاد کو مستحکم کرنا ہے۔
