پاکستان سپر لیگ( پی ایس ایل) 8 کی ٹیم لاہور قلندرز کے مداحوں کے لئے بری خبر ہے کہ آل راؤنڈر لیام ڈاؤسن انجری کا شکار ہوکر ٹورنامنٹ سے باہر ہوگئے۔
لاہور قلندرز کی انتظامیہ کے مطابق انگلش آل راؤنڈر کراچی کنگز کے خلاف میچ میں ٹخنے کی انجری کا شکار ہوئے تھے، اسکین کے بعد لیام ڈاؤسن کو 4 سے 6 ہفتے آرام تجویز کیا گیا ہے۔
لیام ڈاؤسن کل وطن واپس روانہ ہوجائیں گے، ان کی جگہ متبادل کھلاڑی کے لئے ابھی کوئی فیصلہ نہیں کیا گیا۔
دوسری جانب کراچی کنگز کی ٹیم اور فینز کے لئے بھی بری خبر ہے کہ فاسٹ بولر محمد عامر گروئن انجری کا شکار ہوگئے۔
محمد عامر بدھ کو ملتان سلطانز کے خلاف ہونے والے میچ سے باہر ہوگئے۔
محمد عامر نے ٹیم کے ہمراہ ملتان کا سفرنہیں کیا جبکہ وہ کراچی میں اپنا ری ہیب مکمل کریں گے۔
