وزیراعظم شہباز شریف نے 2023 کو نوجوانوں کا سال قرارے دیا۔

وزیراعظم نے اپنے بیان میں کہا کہ ہماری حکومت نے 2023 کو نوجوانوں کا سال قرار دیا، نوجوانوں کو لیپ ٹاپ دیے جائیں گے اور ان کی حوصلہ افزائی کی جائے گی۔

شہباز شریف نے کہا کہ نوجوانوں کے لئے یوتھ پروگرام سمیت مختلف اقدامات اٹھارہے ہیں، زراعت، آئی ٹی سمیت دیگر پروگرام شام ہیں، پروگرام کے تحت نوجوانوں کو بلاسود قرضے فراہم کررہے ہیں۔

انہوں نے مزید کہا کہ ہم نوجوانوں کو نظرانداز نہیں کرسکتے یہ ہمارا مستقبل ہیں، نوجوانوں کو ملکی ترقی میں اپنا کردارادا کرنا ہوگا، نوجوانوں کی حوصلہ افزائی کی جارہی ہے۔

وزیراعظم کا کہنا تھا کہ نوجوانوں کے پروگرام کو 10سال مکمل ہونے پر مبارکباد دیتاہوں۔