ملک کے مختلف شہروں میں آج تیز ہواؤں اور گرج چمک کے ساتھ بارش کا امکان ہے۔

محکمہ موسمیات کے مطابق بالائی اور وسطی پنجاب، بلوچستان، خیبرپختونخوا میں بارش ہو سکتی ہے، بعض مقامات پر ژالہ باری اور پہاڑوں پر برف بھی پڑے گی۔

دوسری جانب کراچی میں مارچ کے آغاز کے ساتھ ہی گرمی کی شدت میں اضافہ ہوگیا۔

شہر قائد میں آج درجہ حرارت 36 ڈگری سینٹی گریڈ تک جانے کا امکان ہے جبکہ 6 مارچ تک کراچی میں گرمی کی شدت مزید بڑھے گی۔