گورنرسندھ کامران ٹیسوری نے جامعہ کراچی میں ہولی منانے پر ہندوطالبہ سمیت دیگرطلبا پرتشدد کے واقعے کا نوٹس لیتے ہوئے تحقیقات کا حکم دیدیا۔

کامران ٹیسوری نے آئی جی سندھ کو واقعہ میں ملوث افراد کے خلاف مقدمہ درج کرنے کی ہدایت کی ساتھ ہی شیخ الجامعہ سے واقعے کی تفصیلی رپورٹ بھی طلب کرلی ہے۔

Click to see more

گورنرسندھ کا کہنا ہے کہ مذہب کی بنیاد پر ہراساں کرنے والوں کے خلاف سخت کارروائی کی جائے گی اسلام دیگر مذاہب کے احترام کا درس دیتا ہے اس طرح کی حرکتوں میں ملوث افراد ملک کی بدنامی کا باعث ہیں۔

واضح رہے کہ گزشتہ روز ہندو برادری کے تہوار ہولی کے موقع پرجامعہ کراچی میں تہوار منانے والے ہندو طلباء کو مبینہ طور پرطلبہ تنظیم نے تشدد کا نشانہ بنایا تھا۔