ڈاکٹرعامرلیاقت کی نازیباں ویڈیو سوشل میڈیا پروائرکرنے کے مقدمے میں مرحوم کی تیسری اہلیہ دانیہ شاہ نے مقدمے سے بریت کی درخواست دائرکردی ہے۔

جوڈیشل مجسٹریٹ شرقی کی عدالت میں مرحوم عامر لیاقت کی نازیباں ویڈیو وائر کرنے کے مقدمے میں ملزمہ دانیہ شاہ پیش ہوئی، جہاں انہوں نے مقدمے میں بریت کی درخواست دائر کردی۔

مزید پڑھیں: سندھ ہائیکورٹ نے دانیہ شاہ کو رہا کرنے کا حکم دے دیا

ملزمہ کے وکیل کا موقف تھا کہ مدعی مقدمہ کے بیان کے بعد دانیہ شاہ کے خلاف کیس نہیں بنتا،میری موکلہ کے خلاف ایف آئی اے کے پاس کوئی شواہد نہیں،دانیہ شاہ نے عامر لیاقت کی کوئی ویڈیو وائرل نہیں کی تھی۔

واضح رہے کہ سندھ ہائیکورٹ نے ملزمہ دانیہ شاہ کی ضمانت منظور کی تھی جبکہ ملزمہ کے خلاف عامر لیاقت کی بیٹی نے ایف آئی اے میں شکایت درج کرائی تھی۔