اسلام آباد کی انسداد دہشت گری عدالت میں کار سرکار میں مداخلت سے متعلق کیس کی سماعت کے دوران جج نے ریمارکس دیے کہ کل تک شناخت پریڈ نہیں ہوتی تو بھی فیصلہ دیں گے۔
انسداد دہشت گری عدالت کے جج راجہ جواد عباس حسن نے عمران خان کی جوڈیشنل کمپلیکس اور ہائیکورٹ میں پیشی کے موقع پر کار سرکار میں مداخلت سے متعلق کیس کی سماعت کی۔
پی ٹی آئی کے وکیل بابر اعوان انسداد دہشت گری عدالت کے روبرو پیش ہوئے۔
پی ٹی آئی کے کارکنان کی تاحال شناخت پریڈ نہ ہو سکی، عدالت نے شناخت پریڈ کے لئے مزید ایک دن کا ٹائم دے دیا۔
جج راجہ جواد عباس حسن نے ریمارکس دیے کہ کل تک شناخت پریڈ نہیں ہوتی تو بھی فیصلہ دیں گے۔
بعدازاں عدالت نے کیس کی سماعت کل تک ملتوی کردی۔
