کراچی میں سی ویو پر آئل پائپ لائن سے خام تیل کی چوری میں ملوث گروہ کے سرغنہ کو گرفتار کرکے قبضے سے 80 لیٹر چوری شدہ تیل بھی برآمد کرلیا۔

اسی حوالے سے تین روز قبل آج نیوز کی جانب سے واقعے کی نشاندہی کی گئی تھی جبکہ پولیس کے مطابق گرفتارملزم کی شناخت کامران کے نام سے ہوئی ہے۔

Click to see more

پولیس نے بتایا کہ ملزم اور اس کے دو ساتھی پائپ لائن سے تیل چوری کرکے فروخت کرتے تھے ملزم سے 80 لیٹرکے قریب چوری شدہ خام تیل بھی برآمد کرلیا گیا ہے۔

کچھ روز قبل ہی شاہ لطیف ٹاؤن میں پارکو کی لائن کو لیک کرکے تیل چوری کیا جارہا تھا، جبکہ واقعے کا مقدمہ درج کرلیا گیا تھا۔

پولیس کا کہنا ہے کہ جس پائپ لائن سے تیل چوری کیا جارہا تھا وہ لائن کیماڑی سے کورنگی تک جارہی ہے۔