گورنرسندھ کامران ٹیسوری نے خبردار کرتے ہوئے کہا کہ مافیاز کو پھر وارننگ دیتا ہوں کہ کراچی سے بوریا بستر گول کرلے۔

کامران ٹیسوری سرجانی ٹاؤن کی فوڈ اسٹریٹ پہنچے جہاں انہوں نےعوام کے ہمراہ سحری کی۔

اس موقع پرانہوں نے کہا کہ کوشش ہے کہ عوام کو زیادہ سے زیادہ ریلیف فراہم کریں، تنقید کرنے والے کسی حال میں خوش نہیں رہ سکتے۔

گورنرسندھ نے کہا کہ 50 ہزارنوجوانوں کو مفت آئی ٹی کورسز کرانے کی تیاریاں مکمل ہیں۔

انہوں نے کہا کہ مافیاز کو پھروارننگ دیتا ہوں کہ کراچی سے بوریا بستر گول کرلے سرجانی میں عید کے بعد قبضہ مافیا کے خلاف آپریشن ہوگا۔