امیر جماعت اسلامی سراج الحق کا کہنا ہے کہ ایوان بے توقیر اور عدالت تقسیم کا شکار ہے۔

ایک بیان میں سراج الحق نے کہا کہ ذاتی لڑائیاں ملک کو بے مثال انتشار کی طرف دھکیل رہی ہیں، عدلیہ دونوں دھڑوں کےدرمیان جنگ کامیدان بن چکی ہے۔

انہوں نے کہا کہ ججز کو ایک دوسرے کے ہمدرد کے طور پر پیش کیا جا رہا ہے، ایوان بے توقیر اور عدالت تقسیم کا شکار ہے، اسٹیبلشمنٹ اور الیکشن کمیشن کی غیر جانبداری پر سوال اٹھ رہے ہیں۔

امیر جماعت اسلامی کا کہنا تھا کہ سیاستدانوں نے ہوش کے ناخن نہ لیے تو حالات بدترین نہج پر پہنچ جائیں گے، لہٰذا انتخابات پر اتفاق رائے پیدا کرنا ہوگا، اس متعلق عوام سے فیصلہ لیا جائے۔