محکمہ صحت خیبرپختونخوا کو فنڈز کی کمی کا سامنا ہے جس کے پیش نظر تدریسی اسپتالوں کیلئے 20 ارب روپے مانگ لئے گئے ہیں۔

خیبرپختونخوا کے محکمہ صحت کی جانب سے محکمہ خزانہ کو فنڈز کی ریلیز کیلئے ارسال مراسلہ میں لکھا گیا ہے کہ میڈیکل ٹیچنگ انسٹیٹویٹس کیلئے 46 ارب روپے مختص کئے گئے ہیں جس میں سے 25 ارب سے زائد رقم ریلیز کی جاچکی ہے۔

محکمہ صحت نے مزید کہا کہ 20 ارب روپے بھی فوری ریلیز کرنا ضروری ہے، جبکہ مراسلہ میں مطالبہ کیا گیا ہے کہ طبی سہولیات میں خلل سے بچنے کیلئے فنڈز فوری ریلیز کیا جائے۔

نگراں مشیر صحت عابد جمیل کا مؤقف ہے کہ فنڈز کی کمی کا سامنا ہے اور حکومت کے پاس فنڈز نہ ہونے کے برابر ہے لیکن مسائل کے حل کیلئے اقدامات اٹھائے جارہے ہیں۔