سپریم کورٹ نے واک کے دوران ججز کے درمیان جھگڑے کی خبروں کی تردید کردی۔
واک کے دوران ججز کے درمیان جھگڑے کی خبروں کے معاملے پر ترجمان سپریم کورٹ نے وضاحت جاری کردی۔
ترجمان سپریم کورٹ کے مطابق ججوں کے درمیان کسی قسم کی کوئی لڑائی جھگڑا نہیں ہوا، جھگڑے کی خبر بے بنیاد اورعدلیہ کو بدنام کرنے کی کوشش ہے۔
ترجمان نے مزید وضاحت کی کہ ججز کے متعلق جھوٹی خبریں قانون کی خلاف ورزی ہیں، جھگڑے کی جھوٹی خبریں ججز کے وقار کو مجروح کرنے کی کوشش ہے۔
ترجمان سپریم کورٹ کی جانب سے وضاحت جاری کرنے سے قبل مسلم لیگ ن کے رہنما عطا تارڑ نے ججز کے درمیان کشیدگی ہونے کا ٹویٹ کیا تھا۔
مسلم لیگ ن کے رہنما عطا تارڑ کا ٹوئٹ اپنی جگہ لیکن اب سپریم کورٹ نے معاملے کی وضاحت کردی ہے کہ ججوں کے درمیان کسی قسم کی کوئی لڑائی جھگڑا نہیں ہوا۔
ترجمان سپریم کورٹ نے ججوں کے درمیان جھگڑے کی خبر کو بے بنیاد اورعدلیہ کو بدنام کرنے کی کوشش قرار دیا۔
