بالی ووڈ کے سپر اسٹار شاہ رُخ خان نے حجاب کرنے والی لڑکی کا احترام کر کے ایک بار پھر مداحوں کا دل جیت لیا۔
انسٹاگرام پر ایک ویڈیو وائرل ہے جس میں ایک لڑکا اور تین لڑکیاں اسٹیج پر شاہ خان سے ملاقات کے لئے آتے ہیں۔
ان تین لڑکیوں میں سے دو لڑکیاں شاہ رخ خان سے گلے ملتی ہیں جبکہ باحجاب لڑکی دور کھڑی مسکراتی رہی ہے ۔
ایسے میں شاہ رُخ حجاب کرنے والی مسلمان لڑکی کی حدود کا احترام کرتے ہوئے اسے دور سے ہی آداب کرتے دکھائی دیتے ہیں۔
جس کے جواب میں لڑکی نے ردعمل پر اپنے سینے پر ہاتھ رکھا اور مسکرا دی، اس وائرل ویڈیو پر صارفین شاہ رخ کی بہت تعریف کر رہے ہیں۔
