امیر جماعت اسلامی سراج الحق نے الیکشن کی تاریخ کے حوالے سے کہا ہے کہ اگر نوے کو ایک سو پانچ کردیا گیا ہے تو دوسو پانچ بھی ہوسکتا ہے۔

لاہور میں پریس کانفرنس کے دوران سراج الحق نے کہا کہ سپریم کورٹ اور صدرپاکستان نےالیکشن میں توسیع کی، ملک میں سیاسی بحران کی وجہ سے معاشی بحران ہے، کسی ایک صوبے میں الیکشن مسئلہ کا حل نہیں۔

انھوں نے کہا کہ الیکشن کیلئے سازگارماحول کی ضرورت ہے، آئین میں الیکشن کیلئے 90 دن مقرر ہیں، اگر90 کو 105 کردیا گیا ہے تو 205 بھی ہوسکتا ہے۔

سراج الحق نے کہا کہ سیاسی جماعتوں میں اتفاق رائے پیدا کرنے کی کوشش کررہے ہیں، غریب کیلئے جینا مشکل تھا اب مرنا بھی مشکل ہوگیا ہے۔