بنگلادیش کی وزیراعظم شیخ حسینہ واجد نے پاکستانی حکومت اور عوام کو عیدکی مبارکباد پیش کی ہے۔

ڈھاکہ میں عیدالفطر کے استقبالیہ کے موقع پر پاکستانی ہائی کمشنر عمران احمد صدیقی نے شیخ حسینہ واجد سے ملاقات کی۔

اس موقع پر شیخ حسینہ واجد کی طرف سے استقبالیہ کا اہتمام کیا گیا، ملاقات کے دوران بنگلادیشی وزیراعظم نے پاکستان کے لئے نیک تمناؤں کا پیغام دیتے ہوئے کہا کہ پاکستانی حکومت اور عوام کو عید کی خوشیاں مبارک ہوں۔

واضح رہے کہ پاکستان، بھارت اور بنگلادیش سمیت دیگر ممالک میں آج عید الفطر مذہبی جوش و جذبے کے ساتھ منائی جا رہی ہے۔