بلاول بھٹو زرداری کو ایرانی وزیرخارجہ حسین امیر عبداللہیان نے فون کرکے عید کی مبارک باد دی۔
وزیرخارجہ بلاول بھٹو زرداری اور ایرانی ہم منصب کے درمیان ٹیلیفونک رابطہ ہوا، ایرانی وزیرخارجہ حسین امیر عبداللہیان نے بلاول بھٹو کو ٹیلی فون کیا اور عید کی مبارکباد دی۔
بلاول بھٹو نے ایرانی وزیرخارجہ سے بات کرتے ہوئے ایران کے عوام کو عید کی مبارکباد دی، اور کہا ایران سعودیہ سفارتی تعلقات کی بحالی مسلم امہ کےلیے خوش آئند ہے۔
وزیرخارجہ بلاول بھٹو کا کہنا تھا کہ ایران اور سعودی عرب کے تعلقات میں بہتری خطے کی ترقی و استحکام میں معاون ثابت ہوں گے۔
