کرکٹر حارث سہیل کی جگہ افتخار احمد کو نیوزی لینڈ کیخلاف ون ڈے اسکواڈ میں شامل کرلیا گیا۔

پاکستان کرکٹ بورڈ نے کندھے کی انجری کا شکار ہونیوالے حارث سہیل کی جگہ افتخار احمد کو نیوزی لینڈ کیخلاف ون ڈے اسکواڈ میں شامل کر لیا۔

پی سی بی کے جاری اعلامیہ کے مطابق حارث سہیل کی جگہ افتخار احمد کو قومی اسکواڈ میں شامل کیا گیا ہے، افتخار احمد کراچی میں شیڈول ون ڈے میں سلیکشن کے لیے دستیاب ہوں گے۔

قومی ٹیم اتوار کو کراچی پہنچے گی جہاں وہ ون ڈے سریز کے باقی 3 میچز کھیلے گی۔

واضح رہے کہ حارث سہیل پہلے ون ڈے میچ سے قبل راولپنڈی اسٹیڈیم میں فیلڈنگ سیشن کے دوران شاداب خان کیساتھ ٹکر لگنے کی وجہ سے کندھے کی انجری کا شکار ہوگئے تھے۔