پی ٹی آئی چیئرمین عمران خان کی گرفتاری پر معروف پاکستانی سوشل میڈیا اسٹار ناصرخان جان بھی ٖغم وغصے کی ملی جلی کیفیت کا شکار ہیں، تاہم کارکنوں کے برعکس انہوں نے سرکاری املاک کو نقصان پہنچانے کے بجائے اپنے ہی گھر کا سامان توڈ ڈالا۔

سماجی رابطوں کی ویب سائٹ ٹوئٹر پر ردِعمل ظاہرکرتے ہوئے ناصرخان جان نے ایک ویڈیو شئیرکی جس کے ساتھ کیپشن میں انہوں نے لکھا کہ“آئی لو ویوعمران خان، پلیزہیلپ عمران خان ( برائے مہربانی عمران خان کی مدد کریں)۔“

ویڈیو میں ناصر خان جان نے آبدیدہ ہوتے ہوئے کہا کہ ”اگرعمران کو کچھ بھی ہوا تو میں کسی کو بھی نہیں چھوڑوں گا“۔

اس کے انہوں نے گھرکا سامان اٹھا کرپھینکنا شروع کردیا۔

چیئرمین پی ٹی آئی عمران خان کو گزشتہ روز دوپہر 2 بجے کے بعد اسلام آباد ہائیکورٹ کی حدود میں موجود دفترسے اس وقت گرفتار کیا گیا۔

جب وہ کمرے میں بیٹھے اپنا بائیو میٹرک کروا رہے تھے۔ نیب نے سابق وزیراعظم کو بدعنوانی کے الزام میں القادرٹرسٹ کیس میں گرفتار کیا گیا ہے۔