معروف دانشوراورڈرامہ نگار شعیب ہاشمی لاہورمیں انتقال کرگئے،شعیب ہاشمی طویل عرصے سے علیل تھے ۔

شعیب ہاشمی انقلابی شاعر فیض احمد فیض کے داماد اور ان کی صاحبزادی سلیمہ ہاشمی کے شریک حیات تھے۔

ان کے صاحبزادے عدیل ہاشمی اور صاحبزادی میرا ہاشمی بھی ڈرامہ انڈٖسٹری سے وابستہ ہیں۔

والد کے انتقال کی تصدیق کرتے ہوئے عدیل نے بتایا کہ وہ کافی عرصے سے بیمار تھے۔ شعیب ہاشمی کو برین ہیمرج ہوا تھا, کل رات کو طبیعت بگڑنے پرانہیں فوری اسپتال منتقل کیا گیا جہاں وہ انتقال کر گئے۔

شعیب ہاشمی کی بیٹی میرا ہاشمی انگلینڈ میں ہیں جن کی آمد پر نمازجنازہ کا اعلان کیا جائے گا۔

شعیب ہاشمی نے 70 کی دہائی میں معروف ڈرامے لکھے اور ان میں کام بھی کیا۔ ان کے لکھے ڈراموں میں اکڑ بکڑ، سچ گپ اور ٹال مٹول شامل ہیں۔ انہیں 1995 میں حسن کارکردگی کا ایوارڈ ملا اور تمغہ امتیاز سے بھی نوازا گیا۔