سابق وزیراعظم عمران خان کی گرفتاری کے بعد احتجاج اور جلاؤ گھیراؤ پر درج مقدمات میں حکومت نے پیروی کے لیے 2 پبلک پراسیکیوٹر تعینات کردیے۔

چیف کمشنر نے کیسز میں سرکار کی پیروی کے لیے 2 نئے پراسیکیوٹر کی منظوری دے دی ہے۔

ذرائع کے مطابق کیسز کی پیروی کے لیے ایڈووکیٹ چوہدری زاہد آصف اور ایڈووکیٹ نذیر سلطان میکن نئے پراسیکیوٹر تعینات کیے گئے ہیں۔

دونوں پراسیکیوٹرز کی تعیناتی کا نوٹیفیکشن جاری کر دیا گیا ہے۔

نوٹیفکیشن کے مطابق نئے پراسیکیوٹرز اسلام آباد ہائیکورٹ اور ٹرائل کورٹس میں کیسز کا دفاع کریں گے۔