وزیر تعلیم سندھ سردارشاہ نے نئے بھرتی ہونے والے اساتذہ کو تنخواہوں میں تاخیر اور شوت وصولی کی شکایات پرنوٹس لے لیا۔

صوبائی وزیر نے ملوث افسران کے خلاف کارروائی اور برخاست کرنے کی وارننگ دیتے کہا کہ ایسے افسران کے خلاف مقدمات بھی درج کیے جائیں گے۔

انہوں نے کہا کہ شکایات ہیں نئے اساتذہ کی تنخواہ کی ادائیگی میں رشوت طلب کی جارہی ہے رشوت میں ملوث افسران کیخلاف مقدمات درج کئےجائیں گے۔

سردارشاہ نے کہا کہ واضح ہدایات ہیں مجرمانہ عمل سے اجتناب برتا جائے میرٹ پرآنے والے اساتذہ سے اس طرح کا سلوک برداشت نہیں کیا جائے گا۔