چیف ادارہ شماریات ڈاکٹر نعیم الظفر نے کہا ہے کہ ملک کی آبادی چوبیس کروڑ پچانوے لاکھ چھیاسٹھ ہزار سات سو تینتالیس ہوگئی۔

اسلام آباد میں پریس بریفنگ کے دوران نعیم الظفر نے موجودہ ڈیجیٹل مردم شماری کے نتائج سے آگاہ کرتے ہوئے بتایا کہ پنجاب کی آبادی 12کروڑ چوہتر ہزار آٹھ سو دو ہے، سندھ میں شمار افراد کی تعداد 5 کروڑ نواسی لاکھ اکتیس ہزار نو سو سات ہے۔

انھوں نے مزید بتایا کہ خیبرپختونخوا کی آبادی 3 کروڑ اٹھانوے لاکھ تئیس ہزار ایک سو اڑتیس ہے جبکہ بلوچستان میں شمار کیے گئے افراد 2 کروڑ انیس لاکھ ستتر ہزار چار سو چوہتر ہیں۔ اسلام آباد کی آبادی 23 لاکھ انسٹھ ہزار چار سو بائیس ہے۔