اسرائیل کے شہر تل ابیب میں قائم ایک کیفے میں گھسنے والے لال بیگ نے افرا تفری مچادی، جو سیکیورٹی الرٹ کا سبب بن گیا۔

ویب سائٹ ’’والا‘‘ نے بتایا کہ شہر کے مرکز میں ڈیزنگوف سٹر کیفے میں لال بیگ کے آنے سے وہاں موجود افراد ایسے بوکھلائے کہ میزیں، کُرسیاں گرنے لگیں۔

صورتحال کو دیکھ کر پولیس کو طلب کر لیا گیا، انتظامیہ کو لگ رہا تھا کہ کوئی سیکیورٹی خطرہ موجود ہے۔ اسی دوران یہ سامنے آیا کہ ایک میز کے نیچے لال بیگ موجود تھا۔

لاگ بیگ کو دیکھ کرخاتون اتنی خوفزدہ ہوگئی تھیں کہ انہوں نے میز ہی زمین پرگرا دی جسے دیکھ کر انتظامیہ نے سیکیورٹی خدشات کے تحت فوری طور پر پولیس کو بُلا لیا۔

مقامی میڈیا کے مطابق جائے وقوعہ سے دو افراد ن بھاگنے کی کوشش کی تھی لیکن اس دوران شیشے ٹوٹ جانے کی وجہ سے انہیں معمولی چوٹ آئی ۔