پاکستانی گلوکار کیفی خلیل نے مداحوں کے لیے آفیشل سوشل میڈیا ہینڈلز پر نئے گانے کا ویڈیو کلپ شیئرکیا ہے۔

دنیا بھرمیں مقبولیت کی سند پانے والے گانے ’کہانی سُنو‘ کے گلوکار ، شاعر اور کمپوزر نے یوٹیوب اور ٹوئٹر پر 9 سیکنڈ کا ایک کلپ شیئر کیا جس میں ایک شخص کو لالٹین کے ساتھ ساحل سمندر کی جانب چلتے دیکھا جاسکتا ہے۔

فی الحال کیفی کی جانب سے ان کے اس نئے پراجیکٹ کے حوالے سے کسی قسم کی کوئی تفصیلات سامنے نہیں لائی گئی ہیں۔

کیف خلیل مئی 2022 میں یوٹیوب پر کہانی سنو ریلیز کرنے کے سے بیحد مقبولیت حاصل کرچکے ہیں، گانے کی ریلیز سے اب تک اسے 222 ملین ویوز مل چکے ہیں ۔

گلوکار کے اس ہِٹ نمبر کو بھارت میں بھی کاپی کیا گیا جبکہ کئی مغربی گلوکاروں نے بھی کہانی سُنو پر طبع آزمائی کی ہے۔