اسلام آباد کی انسداد دہشت گردی عدالت نے پاکستان تحریک انصاف (پی ٹی آئی) کے چیئرمین عمران خان کی گاڑی واپس کرنے کا حکم دے دیا۔

انسداد دہشت گردی عدالت کے جج راجہ جواد عباس نے فیصلہ سناتے ہوئے گاڑی کی سپرداری کی درخواست منظور کرلی۔

جج راجہ جواد عباسی نے فیصلے میں کہا کہ گاڑی کے مالک افتخار گھمن کو گاڑی واپس کریں، گاڑی کا مالک 5 لاکھ روپے کے مچلکے عدالت جمع کرائے۔

گاڑی کے مالک افتخار گھمن کی جانب سے کیس کی پیروی وکیل مرزا عاصم بیگ نے کی۔

جوڈیشل کمپلیکس ہنگامہ آرائی کیس میں تھانہ سی ٹی ڈی نے گاڑی قبضے میں لی تھی۔

جوڈیشل کمپلیکس میں گاڑی خراب ہونے کے بعد قبضے میں لی گئی تھی۔