شہر قائد میں فائرنگ کے مختلف واقعات میں ایک شخص جاں بحق جب کہ دو زخمی ہوگئے۔
احسن آباد روڈ کی طرف سپر ہائی وے کے قریب ملزمان کی فائرنگ سے زخمی شخص دم توڑ گیا، مقتول کی شناخت 60 سالہ ریاض احمد کے نام سے ہوئی۔
پولیس کا کہنا ہے کہ مقتول کو زخمی حالت میں اسپتال منتقل کیا گیا تھا، فائرنگ کے واقعے کی تفتیش کی جارہی ہے۔
دوسری جانب سائٹ سپر ہائی وے پر فائرنگ سے وسیم نامی نوجوان اور پی آئی بی کالونی میں ڈکیتی مزاحمت پر فائرنگ سے صفدر نامی شخص زخمی ہوا جسے جناح اسپتال منتقل کیا گیا۔
اس کے علاوہ سرجانی ٹاؤن میں بھی ڈکیتی مزاحمت کے دوران فائرنگ سے یوسف نامی شخص شدید زخمی ہوا ہے۔
