پاکستان شوبز کی اداکارہ سونیا حسین نے اپنے نئے پروجیکٹ کے لئے نیا روپ اپنایا ہے جسے دیکھ کر اِن کے مداح حیران ہوگئے۔

سونیا حسین نے انسٹاگرام پر اپنے نئے پراجیکٹ کی پہلی جھلک شیئر کی ہے، اداکارہ نے تصاویر میں لڑکے کا روپ اپنایا ہے جس میں ان کو چھوٹے بالوں اور سیاہ رنگ کی شرٹ پتلون میں دیکھا جاسکتا ہے۔

سونیا نے بالوں کو سُنہرہ رنگ کر رکھا ہے، جبکہ ہاتھ میں سگریٹ بھی تھامی ہوئی ہے۔ تصاویر کے ساتھ کیپشن میں لکھا ہے کہ یہ کردار ’مُرشد‘ ان کے دل کے بے حد قریب ہے۔

سوشل میڈیا پر اداکارہ کے نئے روپ کے خوب چرچے ہورہے ہیں، ان کے مداحوں سمیت دیگر فنکاروں کی جانب ان کو خوب سراہا جارہا ہے۔