سابق امریکی صدرڈونلڈ ٹرمپ نے خفیہ آڈیو لیک ہونے کے معاملے پر اپنے اوپر لگائے الزامات کو مسترد کردیا۔

ڈونلڈ ٹرمپ نے ایک بار پھر حساس دستاویزات کےغلط استعمال سے انکار کردیا۔

ڈونلڈ ٹرمپ نے کہا کہ وائٹ ہاؤس کے تمام دستاویزات کو منظرعام پر لایا گیا تھا، شائع شدہ آڈیو ریکارڈنگ اس کے برعکس معلوم ہوتی ہے۔

امریکی ٹی وی چینل نے ڈونلڈ ٹرمپ کی خفیہ آڈیو چلائی تھی، جو 2021 کی بتائی جارہی ہے۔

آڈیو میں ڈونلڈ ٹرمپ اپنے اسٹاف ممبرز سے گفتگوکررہے تھے۔

آڈیو میں ٹرمپ نے بغیر اجازت خفیہ دستاویز تحویل میں رکھنے کا اعتراف کیا تھا۔

لیک خفیہ آڈیو میں ڈونلڈ ٹرمپ جنرل مارک ملی سے متعلق گفتگو کررہےتھے۔

جنرل مارک ملی نے کہا تھا کہ ٹرمپ ایران پر حملہ کرنا چاہتے ہیں۔

ٹرمپ نےاپنے پاس خفیہ دستاویزات موجود ہونے کا بھی اعتراف کیا تھا۔