وزیراعظم شہباز شریف نے فرنٹیئر کانسٹیبلری (ایف سی) کے افسران اور جوانوں کی تنخواہیں پاک فوج کے برابر کردیں۔

وزیراعظم نے عید الاضحیٰ کے موقع پر ایف سی کے افسروں اور جوانوں کے لیے بڑی خوش خبری دیتے ہوئے ایف سی کی تنخواہیں پاک فوج کے برابرکردیں۔

ایف سی کی تنخواہوں میں پاک فوج کے مقابلے میں فرق تھا جسے شہباز شریف نے ختم کرنے کا اعلان کیا۔

وزیراعظم شہباز شریف نے یہ اعلان پاک افغان سرحد پر پارہ چنار کے دورے کے موقع پر گزشتہ روز خطاب میں کیا۔

وزیراعظم نے یہ اقدام ایف سی کی ملک و قوم کے لیے خدمات اور قربانیوں کے اعتراف میں کیا ہے۔