ریورس سوئنگ کے موجد سرفراز نواز نے سابق چئیرمین پی سی بی نجم سیٹھی کے خلاف پینشن کی بحالی و واجبات کی ادائیگی کا کیس واپس لے لیا۔ سرفراز نواز کے نجم سیٹھی کے خلاف کیس واپس لینے کی دستاویزات آج نیوز کو موصول ہوگئی۔

سرفراز نواز نے 2017 میں نجم سیٹھی پر کرپشن کے الزامات عائد کئے تھے، نجم سیٹھی نے سرفراز نواز کے خلاف کیس دائر کیا تھا۔ جس کے بعد نجم سیٹھی کے خلاف سرفراز نواز نے اسلام آباد ہائیکورٹ میں جوابی کیس دائر کیا تھا۔

یاد رہے کہ سرفراز نواز لندن میں دونوں ٹانگوں کے آپریشن کے بعد کسمپرسی سے دوچار ہیں، خراب معاشی حالات کی بنا پر سرفراز نواز نے جوابی کیس واپس لیا، سرفراز نواز کے وکلاء نے یکم اپریل دوہزار 23 کو کیس واپس لیا۔

نجم سیٹھی نے کیس واپس لینے کے 2 ماہ 20 دن تک کوئی پیشرفت نہ کی تاہم پی سی بی مینجمنٹ کمیٹی ختم ہونے کے آخری روز انھوں نے پینشن بحالی کے احکامات جاری کردیے۔ ذرائع پی سی بی کے مطابق بقایا جات کی ادائیگی کے بجائے آئندہ سے پنشن بحال کی گئی۔