چیئرمین پاکستان کرکٹ بورڈ ذکا اشرف کی زیر صدارت پی سی بی مینجمنٹ کمیٹی کا پہلا اجلاس ختم ہوگیا۔
اجلاس میں 10 میں سے سات ارکان شریک ہوئے جہاں ڈومیسٹک کرکٹ، قومی ٹیم کی انٹرنیشنل مصروفیات کاجائزہ لیا گیا، ایشیا کپ کی میزبانی اور بھارت میں ورلڈکپ پر بھی تبادلہ خیال ہوا۔
اجلاس میں پاکستان کرکٹ کے لئے مستقبل کے لائحہ عمل پر تبادلہ خیال کیا گیا، جس کا تفصیلی اعلامیہ بعد میں جاری کیا جائے گا۔ بیرسٹرمصطفی رمدے، ذوالفقارملک اور کلیم اللہ خان شریک نہیں ہوئے۔
