اسلام آبادمیں ٹریل تھری پرخاتون کے ساتھ جنسی زیادتی کا مقدمہ درج کرلیا گیا۔ متاثرہ خاتون کو نوکری کا جھانسہ دے کر شیخو پورہ سے راولپنڈی بلایا گیا تھا۔

واقعے کا مقدمہ متاثرہ خاتون کی مدعیت میں کوہسار پولیس اسٹیشن میں درج کیا گیا ہے۔

مقدمہ کے متن کے مطابق نعمان نامی شخص نے خاتون کو نوکری کا جھانسہ دیکر راولپنڈی بلایا اورپھرسیرکے بہانے ٹریل تھری پرلے گیا جہاں اسے زیادتی کا نشانہ بناڈالا۔

ایف آئی آر کے مطابق متاثرہ خاتون شیخوپورہ کے نواحی علاقے کی رہائشی ہے جس کا نعمان نامی شخص سے رابطہ ہوا ۔ نعمان نے اسے نوکری کا جھانسہ دیکرراولپنڈی بلایا اور اس سلسلے میں 50 ہزار روپے بھی وصول کیے۔

راولپنڈی میں ملزم سیرکے بہانےخاتون کو موٹرسائیکل پربیٹھا کراسلام آباد مارگلہ ہلز ٹریل تھری پرلے گیا جہاں اس سے جنگل میں گن پوائنٹ پرجنسی زیادتی کا نشانہ بنایا گیا۔

پولیس نے زیادتی کی دفعات کے تحت مقدمہ درج کرکے تحقیقات شروع کردی ہیں۔