بالی ووڈ اداکارہ جھانوی کپور کی نئی فلم بوال آج ریلیز کردی گئی ہے تاہم فلم کی پروموشن کے دوران بنائی گئی جھانوی کپور کے ڈانس کی ویڈیو سوشل میڈیا پر وائرل ہے ۔

جھانوی کپور نے دو روز قبل انسٹاگرام پر ایک ویڈیو پوسٹ کی تھی جس میں وہ فلم کے گانے ’دلوں کی دوریاں‘ پرڈانس کررہی تھیں ۔

ویڈیو پوسٹ کرتے ہوئے انہوں نے کیپشن میں لکھا کہ’21 جولائی کو ہوگا بوال، لیکن ابھی کے لئے لونگ روم میں دھمال’۔

ویڈیو میں جھانوی کپور نے زرد رنگ کا لباس پہنا ہوا ہے اور وہ اپنے میک اپ آرٹسٹس اور دیگر ٹیم ممبران کے ساتھ فلم کے گیت پر مزاحیہ انداز میں رقص کرتی نظر آتی ہیں۔

سوشل میڈیا پر ویڈیو تاحال وائرل ہے جس نے مداحوں کے دل جیت لئے ساتھ ہی شائقین نے اداکارہ کی نئی فلم کیلئے نیک تمناؤں کا اظہار بھی کیا۔

اس فلم میں اداکارہ کے ساتھ ورون دھون مرکزی کردار ادا کرتے نظر آئیں گے جبکہ فلم ’بوال‘ کو ساجد ناڈیاوالا نے پروڈیوس کیا ہے جب کے اسے نتیش تیواری نے ہدایت کاری دی ہے۔